ఊర్వశి గ్లౌభా - మహర్షి సినిమా - సంస్కృతంలో పాట

మహర్షి (1987) సినిమాలో సంస్కృత భాషలో వ్రాసిన "ఊర్వశీ గ్లౌభా" పాట.

రచయిత - జొన్నవిత్తుల
సంగీతం - ఇళయరాజా
గాయకుడు - బాలసుబ్రహ్మణ్యం
దర్శకుడు - వంశీ

--

ఊర్వశి గ్లౌభా ప్రేయసి హ్రీం మా  (2)

గ్లౌ = చందమామ; భా = వెలుగు; హ్రీం = సిగ్గు; మా = మాను, వద్దు

అస్మత్ విద్వత్ విద్యుత్ దీపిక త్వంయేవ

రసవత్ విలసత్ విభవత్ గీతిక త్వంయేవ (2)

అస్మత్ = నా ; విద్వత్ = విద్య ; విద్యుత్ = మెరుపు ; దీపిక = వెలుగు; త్వం = నీవు ; ఏవ = మాత్రమే; 

రసవత్ = రసవంతమైన; విలసత్ = విలాసవంతమైన, మెరిసే; విభవత్ = ఉన్నటువంటి; గీతిక = పాట; త్వం = నీవు ; ఏవ = మాత్రమే; 

లసత్ చమత్కృతి నటత్ ప్రతిద్యుతి ఘనత్ హరిత్మణి త్వంయేవ
శుంబత్ ప్రమోద ఝుంబత్ ప్రవాహ ధవళ గగనధుని త్వంయేవ

లసత్ = ప్రకాశవంతమైన; చమత్కృతి = ఆశ్చర్యకరమైన ; నటత్ = ఆడుతున్న; ప్రతిద్యుతి = ప్రతిబింబిస్తున్న; ఘనత్ = గొప్పదైన; హరిత్మణి = పచ్చని మణి; శుంబత్ = అందమైన ; ప్రమోద = ఆనందమైన ; ఝుంబత్ = ఝంకార; ప్రవాహ = ప్రవాహం; ధవళ = స్వచ్ఛమైన; గగన ధుని = ఆకాశవాణి; 

భజే భజే భజరే భజే భజే - భజే భజే భజరే భజే భజే
భజరే భజించరే - జపరే జపించరే (2)

నమ్రామ్రద్రుమ కమ్ర నవోద్యమ స్వరభుత్సుకసఖి త్వంయేవ

నికట ప్రకట ఘట ఘటిత త్రిపుట స్పుట నినద నిదానం త్వంయేవ

నమ్ర=వంగిన; ఆమ్ర = మామిడి; ద్రుమ = చెట్టు ; కమ్ర = చక్కగా; నవోద్యమ = క్రొత్తగా చేబట్టిన; స్వర = స్వరమున్న; ఉత్సుక = ఉబలాట పడుతున్న; సఖి = సఖి; నికట = దగ్గరగా; ప్రకట = వినిపిస్తున్న; ఘట = కుండ; ఘటిత = మ్రోత; త్రిపుట = ఆది తాళం; స్ఫుట = చక్కని; నినద = ధ్వని; నిదానం = కారణం;