ఉ. తొండమునేక దంతము - 100 పద్యాలు

 

ఉ. తొండమునేక దంతము
తొండమునేకదంతమును తోరపు బొజ్జయు వామ హస్తమున్ మెండుగ మ్రోయు గజ్జెలును మెల్లని చూపులు మందహాసమున్ కొండొక గుజ్జు రూపమున కోరిన విద్యలకెల్ల నొజ్జవై యుండెడు పార్వతీ తనయ ఓయి గణాధిప! నీకు మ్రొక్కెదన్
1.    తొండమున + ఏకదంతమును 2.    తోరపు బొజ్జయు 3.    వామ హస్తమున్ 4.    మెండుగ మ్రోయు గజ్జెలును 5.    మెల్లని చూపులు 6.    మందహాసమున్	7.    కొండొక గుజ్జు రూపమున 8.    కోరిన విద్యలకెల్లన్ 9.    ఒజ్జవై యుండెడు 10.        పార్వతీ తనయ 11.        ఓయి గణాధిప! 12.        నీకు మ్రొక్కెదన్
అర్ధాలు: ఏక = ఒకటి; తోరపు =పెద్దదైన; వామ = చిన్న, అందమైన; హస్తమున్ = చేతితో; మెండుగ = ఎక్కవగా, చక్కగా; మ్రోయు =శబ్దముచేయు; మందహాసము = చిరునవ్వు; కొండొక = చిట్టి, చిన్న ; గుజ్జు = పొట్టి ; ఒజ్జ = గురువు  ; మ్రొక్కు=నమస్కరించు ;
భావం:   ఓ వినాయకా! పార్వతీ తనయా!  నీవు తొండమున ఏక దంతముతో, పెద్ద బొజ్జతో, అభయ హస్తముతో, చక్కటి శబ్దంచేసే గజ్జెలతో, కరుణ కలిగిన చూపులతో, చిరునవ్వుతో, చిట్టిపొట్టి రూపముతో, మేము కోరిన విద్యలన్నింటికి గురువుగా ఉన్న నీకు మ్రొక్కుతున్నాను.